"後時代革命"相片展覽 香港人離鄉走揣光明地

共反送中的相片抾做《港傷》系列,嘛提過世界攝影大賽冠軍的香港攝影記者-高仲明,這馬佇台北學藝埕舉辦伊頭一改的個人展覽《後時代革命》,希望用影像予逐家關注著受人壓迫、必須愛離開故鄉的香港人。

這張相片所翕的是2019年因為反送中因素不得已來台灣的學生,香港知名的攝影記者高仲tiōng明講,這張是遮的相片主角內底,予伊印象上深刻的。

攝影師 高仲明表示,「伊來的時陣伊猶無選去學校讀冊的時陣,就去真濟無仝的所在做工課,就是想欲趕緊融入台灣社會。」

經歷反送中、國安法通過,真濟香港人選擇離開香港轉去別位拍拚過新生活,毋過in的心內煞毋是真正平靜,高仲明講伊所翕的14个人物,逐家攏無想欲予人認出面貌所以伊就用曝光的手法,共面閘起來表達in的心境sim-kíng 。

攝影師 高仲明表示,「īn只是已經來到一个真自由真光明的所在、國度,但是因為種種原因猶是真驚惶,猶是真驚īn佇香港的厝內人會有問題,所以也袂當看著īn的面。」

高仲明表示,用《後時代革命》做展覽的名,一方面希望逐家通了解遮的被迫8離開故鄉的香港人,紲後的處境,另一方面也希望外界繼續關心香港議題。展覽到4月中左右。

相關新聞

專題|全台敬老金大調查