航港局推繪本"守護大海的人" 說燈塔故事和價值

海上明燈就是燈塔,替船隻指引方向。航港局最近推出繪本「守護大海的人」,希望予囡仔了解燈塔的功能佮價值。

烏暗的大海當中,有一逝黃色的光,彼是燈塔的光,為討海人指引方向。看顧燈塔的人號做燈塔守,因為燈塔守暝日攏愛注意燈塔的狀況,按怎照顧厝內人,是困難的問題。

老燈塔守 黃清榮講,「因為燈塔方面,愛用外口真濟物件,彼个時陣就較無方便。燈塔本身怎樣發光,怎樣保護燈塔,這是主要的工課,其他是燈塔員工私人的生活安排。」

台灣是海島國家,計共有36座燈塔,交通部航港局推出「守護大海的人」繪本,欲予囡仔了解燈塔守的故事。

《守護大海的人》作者玉米辰表示,「《守護大海的人》,主要咧講一位台灣老燈塔守,自伊開始做燈塔守護到結束。伊毋是遐爾平靜,伊隨時可能愛面對無仝的狀況,而且這个狀況,是伊愛一个人去面對的。」

臺灣的部份燈塔,已經有做轉型,加入予民眾觀光的用途。航港局表示,向望未來有佮學校合作的機會,會使加強推動囡仔認捌台灣燈塔的價值佮文化。
 

相關新聞

專題|全台敬老金大調查