新竹市也煏確診 市府加強環境消毒.賣場防疫
加入公視會員，
按讚收藏你關注的報導
發布時間：
更新時間：
新竹市今仔日出現一名確診案例，市政府除了加強病例活動地點的消毒，也有去視察大賣場的防疫措施；大賣場也講，國內物資充足袂欠貨，請民眾毋通囤貨。
政府宣導國內物資充足，毋過會使看著囥泡麵的架仔頂懸，猶是已經賣甲空空空，大賣場經理講這幾工，民眾來買的物件，以罐頭泡麵閣有衛生紙為主，面對民眾的搶買，賣場保証會增加補貨，絕對袂出現欠貨的狀況。
商場門口，業者要求實聯制，嘛有磅體溫、噴酒精的動作，餐廳的內用區嘛已經完全封起來，食物干焦會使紮走，希望降低群聚的風險。
另外，新竹市今仔日傳出一名確診案例，原本零確診破功，市府得著通知，趕緊派人到確診者去過的所在消毒，嘛呼籲市民，盡量莫出門。
政府宣導國內物資充足，毋過會使看著囥泡麵的架仔頂懸，猶是已經賣甲空空空，大賣場經理講這幾工，民眾來買的物件，以罐頭泡麵閣有衛生紙為主，面對民眾的搶買，賣場保証會增加補貨，絕對袂出現欠貨的狀況。
賣場經理 曾鴻獻:「阮的貨供應完全無問題，是滿足的狀態，前兩工因為逐家會驚，所以出現搶買的狀況。」
賣場經理 曾鴻獻:「目睭的防護佮手套參人客接觸，嘛是會定時2點鐘做全面消毒 。」
新竹市長 林智堅:「面對疫情咱絕對毋通靠勢，愛真注意來關心，嘛希望逐家配合相關規定，上重要的是拜託逐家，出去的時陣一定愛掛喙罨，而且愛掛好掛滿。」
另外，新竹市今仔日傳出一名確診案例，原本零確診破功，市府得著通知，趕緊派人到確診者去過的所在消毒，嘛呼籲市民，盡量莫出門。
