#確診
-
流感增加32例重症 添7例死亡、上細漢干焦7歲
|疫情閣咧嚴重，甚至誠濟民眾重複感染。疾管署預估，一直到6月底、7月初攏是疫情高點，若照確診數去推算，逐工有4千人重複感染。另外流感也咧嚴重，頂禮拜新增加32例流感引起重症病例，另外有7例流感死亡，上細漢只有7歲，對發病到死亡干焦３工。（這條新聞標題、前言是臺語文。）
-
本土猴珠添2例 疾管署:明日討論輕症自主管理
|國內今天新增加兩例、本土猴珠的確診個案，是佇台北市佮新竹縣。另外猴珠確診者的隔離，疾管署表示明仔載會參地方政府討論。希望會當用「自主健康管理」的模式來進行，會佇後禮拜二公佈。(本篇新聞標題、導言、內文皆為臺文)
-
逐日平均添109例本土 專家:著注意囡仔MIS-C
|對3/20開始，確診若是中重症才需要通報，這禮拜平均1工增加109个本土病例。另外針對囡仔，指揮中心也提醒，雖然疫情放冗，毋過囡仔MIS-C狀況，猶是愛注意囡仔篩檢陽性了後，6禮拜內的身體狀況；另外這禮拜新增加的兩个囡仔MIS-C個案，是攏無注過疫苗的。(本則新聞標題、導言、內文皆為臺語文)
-
3/20起確診輕症0+N免隔離 干焦中重症愛通報
|國內疫情已經是連紲五禮拜攏咧下降，指揮中心宣佈，對3/20開始施行輕症免通報、免隔離，干焦自主健康管理。只有中重症才需要通報。另外，確診死亡的個案，也免著急火化，會當予親友共辦告別式，見最後一面。（這條新聞前言、標題是臺語文。）
-
本土添24503例.26死 計共超過9百萬人確診
|今仔日增加2萬4千503例，疫情到今，本土病例已經超過900萬例！今仔26例死亡，帶病入境560例，閣創新懸，而且有一半攏是對中國入境，指揮中心表示，年節欲到，未來一到兩禮拜，帶病入境會維持300到500例。（這條新聞標題、前言是臺語文。）
-
信誼兒童動畫獎 「確診經歷」成學童創作題材
|文教科技新冠疫情影響生活與學習，學生們很有感，信誼兒童動畫獎，今年的兒童創作組比賽，收到來自全台150件作品，不少和疫情有關，5部特優與優選的作品，3部連結疫情，有學生疑似確診，擔心自己死掉，有學生還原確診時的身體苦痛。
-
戶外免掛喙罨 上緊後禮拜宣佈.按12月初實施
|本土疫情繼續咧降，喙罨禁令第一階段放冗，就是「戶外免掛喙罨」，指揮中心今仔表示，上緊後禮拜宣佈政策，按算12月初施行，毋過新曆過年慶祝活動，會另外規範。抑若有人欲發起，針對禁止確診者投票提出訴訟，發言人莊人祥表示，禁止出外是依照"傳染病防治法"規定。影響人身自由佮投票權是兩層代誌。
-
確診隔離縮做"5+n" 勞保傷病給付也綴咧減少
|對今仔日開始，確診者只需要隔離5工。這也會影響著確診者會當請的勞保傷病給付，也會綴咧減少。若準有防疫保險單的民眾，也可能會因為隔離時間縮短，一寡權益會變動，甚至無使用抗病毒藥物，無法度提著母一項的賠償。民眾猶是愛詳細看合約內容，才會當保護家己的權益。
-
本土35322例 連4日無4萬例.有望脫離高原期
|咱本土病例已經是連紲4日攏4萬例以下，指揮中心表示最近凡勢會當慢慢仔脫離疫情高原期。毋過這馬離大選干焦一個月，確診者到底敢會當去投票？指揮中心是講，當咧研擬欲改做無症狀和輕症的患者，就毋免通報確診、毋免隔離。
-
確診禁投票無違憲.估影響30萬人 按縮短隔離
|11/26九合一選舉得欲到，中選會進前有公告，講確診者袂使出門投票，引起違背憲法的質疑，中選會21閣再強調，隔離措施無違憲。毋過照病例數來推測，到時陣可能有30萬个確診者袂使去投票。這馬指揮中心也咧研究講，縮短居家隔離的時間，予閣較濟人去投票。有立委呼籲會當比照南韓的模式，共投票者分流。毋過南韓會當分流投票，是因為in已經會當無在籍投票，所以和台灣的法律猶是有差別的。
