"弓蕉園的秘密" 搬白色恐怖時代禁忌女同性戀

公視台語台上新的電視電影「弓蕉園的秘密」，4/18欲佇公視台語台播送。馬來西亞來的演員劉倩妏，佇戲中講台語，佮咱台灣的演員陳妤，做陣演出白色恐怖時期，同性戀的故事。佮鄉親咱來看代先。

公視台語台全新電視電影「弓蕉園的秘密」，由周美玲來編導，以美麗島事件做背景，講女性同性戀的故事，4/18暗時8點，欲佇公視台語台來播送。

這齣戲當中，兩个女主角分別是臺灣演員陳妤、佮馬來西亞演員劉倩妏，嘛會佇戲中用臺語來演出

台語台戲劇品牌「台語有影」欲用臺語來講故事，予臺語跳脫傳統的刻板印象；呂東熹表示，未來會有閣較濟影視作品來推捒，用臺語共臺灣的多元性呈現出來。