高雄金山國小學生創作繪本 認捌燕巢當地人文

高雄燕巢有一个特殊的滾水湖,閣有好食的菝仔,這寡物件,也攏成做一本自然生態繪本的內容。當地圖書館佮金山國小的學生囡仔,開半冬的時間,做伙創作出這本有華語佮台語的有聲繪本,囡仔透過寫故事、畫圖佮錄音唱歌,熟似家鄉文化。

燕巢金山國小的囡仔,用台語唱出家鄉的特色,in上歡喜的,猶是這本燕巢有看頭的繪本,總算是出版矣,因為這本冊的文字佮圖攏是in創作的。

講著燕巢就會想著遮有名的月世界太陽谷,金山國小的囡仔共遮的地形佮地景攏用水墨畫出來,透過圖書館的老師引tshuā,in做伙畫圖、編寫故事,閣有台語老師鬥相共翻寫做台文,寫詞編曲,最後囡仔唱歌錄音,規个過程嘛是課程,in學著一本繪本欲按怎創作。

聽囡仔的聲、看古錐的彩圖,充滿天真的想像佮鄉土的滋味,這擺出版兩千本新冊,欲送予全國的圖書館,欲予較濟人知影燕巢是一个遐爾媠的好所在。
 

相關新聞

專題|全台敬老金大調查