新竹新埔辦藝術展 推廣客家傳統"天穿日"

正月20，就是、客家天穿日。新竹縣今年是踮新埔的花田，規劃一系列的藝術展覽，予民眾透過欣賞地景藝術，認捌客家天穿日的文化意涵。

在地彩繪老師以「女媧補天」做主題，創作今年新竹縣天穿藝術展覽的主燈，象徵一年四季春夏秋冬的開始。主燈特別設佇有200外年歷史的新竹縣古蹟新埔潘氏古厝頭前，民眾來遮除了會使看燈會，嘛會當佇古蹟內底欣賞老建築。

天穿日是客人庄特別重視的節日，對客家族群來講，意思是準備展開一年的工課，閣有資源永續發展的意義。

除了有主燈佮古蹟通看，邊仔閣有一片花海，佮幾若款的花燈。過年了後無偌久就是元宵節，民眾來遮毋但賞燈賞花，嘛會當加認捌這項客家文化。