白色恐怖受難者盧鴻池 名聲烏有.一生艱難

佇咧白色恐怖時期，政府的情治單位為著欲證明、關佇綠島的罪犯，有接受ﰀ的感化，就要求這寡罪犯，愛參加良心救國運動，甚至閣逼ﰀ著愛承認、有欲閣起義反亂的想法。有人是受盡、百般凌遲，才會當活命，咱也來看ﰀ是按怎行過這段烏暗路

掀開國家圖書館五冬前出版的台中政治受難者口述訪問冊，盧鴻池講起1949年，和林仁守等人加入「台灣民主自治同盟」讀冊會，被政府認定是共產黨的外圍組織，1951年半暝仔，警察無拘捕證，就共盧鴻池對厝內ﰓ走。

盧鴻池予人偷偷仔逮捕，毋但厝內的人袂食袂睏，伊家己佇監獄的日子也受盡折磨，伊先佇台北台灣省保安司令部保安處予人以粗殘的方式逼口供，1953年被送去綠島新生訓導處，因為毋願配合「一人一事良心救國運動」，又閣被送轉去台北保安處酷刑。

佇櫳仔內十年，盧鴻池重見天日的時，已經三十一，伊的肉體傷痕累累、毋但對人失去信任，一生的名聲也烏有去，揣頭路四界挵壁，落尾是親情（tshin-tsiânn）和太太的姨丈替伊做保，才通佇第一信用合作社食頭路，重閣開始伊的人生。

盧鴻池的牽的笑講準若媒人婆佇牽線的時，共伊講盧鴻池捌是政治犯，伊絕對袂嫁伊，實在是無法度忍受情治單位三不五時就侵門踏戶，來厝裡問東問西，總是行過黑暗和不安，盧鴻池今年九十矣，伊只望政府會當用冤枉賠償來代替補償，予冤枉落獄的委屈，會當真正消敨。