胡川安ﰈ講故事 用網路傳承人文智識

胡川安是研究歷史文化的學者，因為愛講故事愛分享，佇網路頂寫真濟文章，煞漸漸變做真出名的作家。伊年歲算真輕，對新的科技也真敏感，嘛因為這樣佇咧大學，教網路的寫佮讀。為著欲予無仝年歲、無仝族群的人，有機會互相了解。就予咱做伙來看，人文學者對台灣社會的觀察佮關懷。

胡川安是中央大學中文系的教師，伊佇咧中文系開的課"數位時代的讀佮寫"課，內容很對得上時代，是少年學生攏真捧場的熱門，百外人的大班課一開出來，馬上就予全校的學生選滿，較慢一寡的人就選不到課。

不過說出來予人真意外，伊佇咧Canada讀博士的彼歸冬，主要研究歷史學，而且伊去大學教書進前，已是真出名的網站 "故事：寫予所有人的歷史"的主編兼作家，佇咧做主編彼段時間，閣寫了真濟本文化觀察的冊，自日本寫到加拿大，按好食物寫到都市的地理歷史觀察，逐本冊攏賣得嚇嚇叫。對他這種面對網路時代的能力，中央大學文學院長有真好的觀察。

其實胡川安來講一直在做的代誌就只是講故事，分享見聞，把事件化做一個一個趣味的故事，為的只是想欲佮人互相了解而已。

記者 劉哲豪 林昆民 採訪報導