目前政府佮民間，攏嘛那來那重視山貓也就是石虎的生態保育。南投竹山富州社區遮，不時都看會石虎的影跡，社區這爿嘛去共林務局申請計畫，蓄攝影機設落去欲觀察山貓。毋過這站仔煞發生，有人共遐的機台攏偷拚去，予研究人員誠無奈，只有是趕緊報警察處理。 ==NS== 樹木被鋸掉了 相機被拿走了 遠遠就看著有樹仔去予人剉掉，斟酌看煞發見本底安佇樹仔頂的石虎監測器，規組拍毋見，連鍊仔都無看見影，這款代誌已經毋是頭擺來發生，有影予研究人員誠心疼。 ==社區志工 曾智瑋== 這整台機器都被撬走 因為我們之後就把它 固定在樹木上面 防止說容易被帶走 那這次他就是準備了工具 直接把我們整棵樹鋸掉 整台機器都帶走 ===NS=== 石虎 好漂亮的石虎 這搭是南投縣竹山鎮富州社區，遮不時有石虎現身，所致社區專工共林務局申請，買專門翕石虎的攝影機，安佇山林內計共12位來觀察石虎，翕著的畫面通提去學校，教學生囡仔認捌石虎。今遮的機台煞直直著賊偷。 ==富州社區發展協會理事長 陳朝焚== 我們呼籲其實這個相機裝在這邊 純粹是看動物 跟我們人的經過都沒什麼關係 所以我們希望路過的人 以後發現這個相機的話 請多多幫忙 協助一下 讓它不要被人拿走啦 研究人員表示，這款攝影機是專門咧翕石虎，咱人是無法度佇機台留影的，呼籲民眾毋通共攝影機mooh走，若有看著可疑的人士，著趕緊通知警察抑是社區人員，同齊保護機器，做伙保育石虎的生態環境。 綜合報導
