臺東安置機構草踏案 監察院指縣府包庇今糾正

台東進前有一間兒少收容機構發生囡仔受人性侵害的事件,監察院調查發見,台東縣政府社會處嚴重失職,毋但無咧要緊囡仔的求助,干焦罰這个機構12萬。今仔日提案糾正,也要求討論處罰相關的人員。

監察委員 紀惠容表示:「我毋知影ﰀ為啥物會當佇調查這个案的時,輕輕共放予煞。」
監察委員批評台東有某一个兒少安置機構過去煏出體罰等等的不當對待事件,閣較譀的是,委員調查發見,受害的囡仔毋但一開始揣無人鬥相共,台東縣政府紲後處理案件嘛誠潦草。
監察委員 紀惠容表示:「這是有性侵害的嫌疑,明明知影這內底的囡仔,已經受著傷害,違失的人也無處分,全部攏以12萬解決。」
監察委員表示,台東縣政府對機構佮涉嫌人毋但無分開處罰,甚至干焦透過幾節課,就認定改善完成,並無照《兒少福利佮權益保障法》來追究責任,政府單位應該做的煞無做,才決定提案糾正台東縣政府,要求議處相關違失人員。
台東縣政府社會處副處長 高忠雲表示:「阮會予ﰀ繼續上相關的課程以外,也會派行政管理人員佮社工同仁,到機構定期的訪視,繼續觀察ﰀ紲落來的表現。」
監察委員表示這个案件突顯體制的反背,安置機構本底是愛保護囡仔,但是地方政府無顧囡仔的需要,通報建議衛福部強化機構評鑑制度,提升照顧人員的專業。希望縣政府愛以這个案件做警覺。
 

全台敬老金大調查

相關新聞