臺日合作歌仔戲"阿婆蘭" 12/25佇衛武營演出

臺灣佮日本藝術界共同製作的歌仔戲-阿婆蘭,12/25欲佇高雄衛武營國家藝術文化中心的戶外劇場演出。毋過受著疫情影響,無仝國家又閣無仝劇團的合作有影真拚,這陣仔這齣戲也當咧加強排練。

戶外開放式舞台,演員隨時出現的驚喜,12月25欲佇衛武營戶外劇場演出的歌仔戲阿婆蘭,導演是日本藝術家柳美和,南台灣歌仔戲三大天王團聯合演出,製作團隊嘛是跨世代、迒領域。阿婆蘭用蘭花的商業化來反思人類對媠的觀點,製作團隊面對疫情壓力,費心撨摵三大歌仔戲團,目前排練進度一切順利

製作人陳汗青表示,「逐家攏講疫情期間你可能無法度國際共同製作,你無法和外國人合作,毋過你有心用時間去盤撋感情,其實做會到。」

迒國製作的變動性懸,離正式演出賰無一禮拜,導演也因為家庭因素提早轉去日本,製作人陳汗青表示,上困難的挑戰,團隊攏解決囉,會全力排練,時到邀請觀眾做伙來看戲。

全台敬老金大調查

相關新聞