臺灣頭例 達悟族勇士對臺東划敆枋船到嘉義

空拍畫面提供:柯壽發
來自蘭嶼的達悟族人張世凱,領幾若个「烏海水勇士」8月12對臺東長濱出發,划拼板舟海上環島。26下晡來到嘉義縣故宮南院分享拼板舟文化,除了是欲完成佮已經過身的導演齊柏林的約束,嘛希望予民眾認捌達悟族人的文化佮面對挑戰的勇氣。

佇故宮南院的至善湖划拼板舟,蘭嶼達悟族的張世凱,8月12對台東出發,用拼板舟環島,26下晡來到故宮南院。

黑潮勇士張世凱:「這擺的活動可能嘛是最後一擺,因為蘭嶼人嘛無一定會閣想欲出島踅台灣島。這是史上頭擺,是想欲予逐家知影蘭嶼拼板舟文化規个文化系統,閣有阮對海洋生態的保育。」

張世凱表示,這是in第一改用特有的拼板舟環島,選擇來到故宮南院,希望會當趁這改的機會紹介蘭嶼的文化。

黑潮勇士張世凱:「阮蘭嶼的船特殊的所在,伊是錐形的,佮台灣平底竹棑仔無仝。南島的舟形一般攏是錐形的,佇海面上划行。」

張世凱這位拼板舟的工藝師,嘛是嘉義的女婿,伊講當初佮看見台灣的導演齊柏林有約束,欲用拼板舟環島,紲落來伊按算31會划去屏東,完成20工的環島行動。

全台敬老金大調查

相關新聞