新竹成立二手物交換平台 望資源循環再利用

新竹市最近佮庇護工場合作,成立二手交換平台,民眾厝內若是有用袂著的物件,只要無歹去,無論是冊或者是生活用品,佇年底進前攏會當提來交換物件,透過交換,予資源會當繼續循環再利用。

逐家厝內一定有用袂著的物件,這時陣留落來嘛毋是,擲掉閣感覺真拍損,新竹市環保局最近佮庇護工場合作,鼓勵民眾佇年底進前共厝內罕得使用的物件提出來,用交換的方式,予資源會使再利用。

民眾表示:「我感覺誠好,鼓勵逐家做環保的精神。」

「真濟物件愛惜物的角度來看,若是會使予物資更加充分應用,延長物件使用的時間。」

環保局提醒,欲提來交換的物件,必須八成新以上,尤其電器用品愛會使正常使用,而且先做好清潔,按呢才會使予交換平台發揮上大的功能。

慢飛兒庇護工場場長,陳建宇表示:「鼓勵民眾共厝內二手的物件,而且是8至9成新的,功能正常的,希望透過毋通拍損的部份,完成二手物資傳承的動作。」

透過二手交換平台,希望民眾會使更加珍惜地球資源,減少糞埽,做伙保護環境。

全台敬老金大調查

相關新聞