變種病毒攻入臺灣 陳建仁:著用上緊速度注疫苗

前副總統陳建仁6/29佇一場線頂記者會表示,臺灣對4月開始出現英國ALPHA變種病毒,佮這陣的印度DELTA變種病毒,攏是傳染力真強的變種病毒。咱臺灣著愛趕緊注疫苗,也愛用上緊的速度提著疫苗,予閣較濟人來注。

印度變種病毒已經佇全球92个國家湠開,台灣也無法度走閃。中研院院士也是前副總統陳建仁表示,VOC高關注變異株,傳染力頭大,臺灣對4月下旬開始出現Alpha株案例,造成至少1萬3千人確診,超過500人死亡。陳建仁這陣台灣要緊的,是愛短時間內大量取得、生產疫苗。

中研院院士陳建仁:「冠狀病毒伊本身是一个RNA病毒,嘛是一个足guâ突變的病毒,所以阮實際上預防性注疫苗,佮病毒突變是咧做時間的比賽,對公共衛生和預防醫學的立場來看,佇上短的時間,予上濟人取得注著疫苗是重要的。」
 
針對媒體報導,咱國有意向mRNA疫苗廠爭取授權量產,風聲國衛院建置疫苗二廠是替量產疫苗鋪路,國衛院院長梁賡義否認表示,二廠主要是提供產學界做動物實驗,替其他新型傳染病做準備,袂負責這改授權量產,這陣猶咧評估國內的量產能量。

中央流行疫情指揮中心研發組長梁賡義:「食藥署佮經濟部工業局in聯手,無偌久進前開會,了解目前國內的量產能量,所以阮絕對毋是和人民爭利,如果逐家骨力爭取著授權量產,我想阮國衛院會當做的
是技術上的協助,袂是佇阮新起的疫苗二廠來做這項代誌。」

國衛院副研究員劉家齊表示,台灣愛積極整取代工,為中央取得mRNA包裹成脂質膜送入人體去產生反應的關鍵技術,中央表示,代工談判過程變化大,這陣外交人員當積極牽線。

相關新聞

專題|全台敬老金大調查