防疫照顧假恐驚無薪水 婦團籲中央提供補助
加入公視會員，
按讚收藏你關注的報導
發布時間：
更新時間：
政府近有提出「防疫照顧假」。毋過有民間團體表示，這陣有的頭家會要求勞工，放防疫照顧假，來減輕企業的損失，建議會當佇審查的紓困條例規定，防疫照顧假愛提供一寡津貼，而且針對無法度請假的醫護、警消人員等等，嘛愛提供顧囡仔、長照的服務。
台灣疫情緊張，雖罔政府有規定，厝內有囡仔、抑是身心障礙者的人，會使請「防疫照顧假」，毋過請防疫照顧假，可能會有經濟的壓力。另一方面，徛第一線的醫護人員，顛倒可能因為傷過無閒、頭家毋放人等等原因，無法度來請防疫照顧假。
婦女新知基金會建議，防疫照顧假應該愛有津貼，而且以前一年勞保的平均投保薪資來做標準。另外，嘛會使參考德國、紐西蘭等等國外的經驗，將維持社會基本運作的人員揀出來，提供in托育、長照服務。
婦女新知表示，目前有佮一寡黨團接接，希望目前當咧審查的紓困條例，會使考慮遮的訴求。頂禮拜條例已經完成二讀，有可能佇這個月底完成三讀，婦女新知呼籲，政府千萬毋通袂記得遮的維持社會基本運作的人。
台灣疫情緊張，雖罔政府有規定，厝內有囡仔、抑是身心障礙者的人，會使請「防疫照顧假」，毋過請防疫照顧假，可能會有經濟的壓力。另一方面，徛第一線的醫護人員，顛倒可能因為傷過無閒、頭家毋放人等等原因，無法度來請防疫照顧假。
屏東基督教醫院工會理事長詹智鈞:「防疫照顧假因為無薪水嘛，你若講無薪水，當然有的勞工就毋敢請嘛，就是講你若講無法度請，因為你是維持這个社會運作，上基本的人員，你無法度請假，所以你厝內的囡仔閣愛有人顧，你就愛有一个所在會使共in顧按呢。」
婦女新知基金會秘書長覃玉蓉:「譬如講進前阮有聽過，伊可能一个是軍人，一个是護理師，攏無後援，今仔日這兩个職業佇防疫的狀況之下，可能嘛無法度請防疫照顧假，國外嘛會予遮的勞工，若是In的家庭有照顧需求，其實會佇一寡托育設施抑是長照設施，保留上基本的人員，去照顧遮的勞工的家屬。」
婦女新知表示，目前有佮一寡黨團接接，希望目前當咧審查的紓困條例，會使考慮遮的訴求。頂禮拜條例已經完成二讀，有可能佇這個月底完成三讀，婦女新知呼籲，政府千萬毋通袂記得遮的維持社會基本運作的人。
