熱人到矣，天氣干焦會愈來愈熱，今仔日氣象局中晝就對全臺灣16个縣市發懸溫警示，上熱的所在是佇南投有39度6。毋過，明仔載有鋒面倚近，北部會開始落陣雨。
氣象局表示，拜二拜三受著鋒面影響，北部和東半部水氣較厚，會有短暫雨。花蓮、臺東佮中南部嘛會有短暫雷公雨。拜四拜五鋒面離開了後，雨就會較歇，轉做炎熱的天氣。