促轉會發表會 展壓迫體制下特務.軍法官立場
發布時間：
更新時間：
促轉會初四舉辦發表會，促轉會表示，過去的討論，定定攏以歷史檔案為主，但是歷史檔案，無一定是正確的，閣愛佮參與者，甚至是加害者來確認。這改發表的成果，就有真濟特務人員、線民、甚至軍法官的訪談，但是受訪者嘛攏強調，家己是依法行政。
促轉會今年2月26捌辦成果發表會，說明兩蔣銅像、中正紀念堂等等威權象徵解構的成果。這個月初四，促轉會閣再舉辦發表會，展現幾年來的成果。這擺發表會是共層級搝懸，來討論壓迫體制當中的運作。
促轉會表示，過去逐家定定是以歷史檔案為主來做討論，但是檔案的正確性會受著各種因素影響。所以閣需要透過實際訪問加害者、參與者等等壓迫體制當中的人，確認檔案記錄是真抑是假，嘛會使來看清楚，遮的人佇壓迫體制當中扮演啥物角色。促轉會表示，親像大法官釋字第68號講，捌參加叛亂組織的人佇自首、抑是有其他證據證明脫離組織進前，應該算是繼續參加，這件解釋，就是一个真好的例。
促轉會表示，轉型正義的推動分階段進行，每一个階段需要的時間、困難度攏無仝，有的是牽涉著政治，也牽涉社會的配合度。促轉會講，過去一直攏透過各種活動，來佮社會對話，未來這嘛是轉型正義推捒的重點之一。
促轉會今年2月26捌辦成果發表會，說明兩蔣銅像、中正紀念堂等等威權象徵解構的成果。這個月初四，促轉會閣再舉辦發表會，展現幾年來的成果。這擺發表會是共層級搝懸，來討論壓迫體制當中的運作。
促轉會主委楊翠：「這場希望共軍事審判體制佮監控體制，佮黨國之間的協力，無仝機關之間的協力搝懸。阮有針對相關的軍法官、情治人員佮線民，進行相關的調查訪談。」
促轉會表示，過去逐家定定是以歷史檔案為主來做討論，但是檔案的正確性會受著各種因素影響。所以閣需要透過實際訪問加害者、參與者等等壓迫體制當中的人，確認檔案記錄是真抑是假，嘛會使來看清楚，遮的人佇壓迫體制當中扮演啥物角色。促轉會表示，親像大法官釋字第68號講，捌參加叛亂組織的人佇自首、抑是有其他證據證明脫離組織進前，應該算是繼續參加，這件解釋，就是一个真好的例。
促轉會研究員黃奕瀠：「可能真細漢12、14歲的時陣，可能參加共產黨兒童團這款的組織，到台灣了後無自首，就予檢舉、予掠。阮問遮的軍法官，in彼个時陣猶細漢，而且懲治叛亂條例攏猶未實施，in的回答其實真親像公式套用，就是有釋字68 就是無辦法。」
促轉會副主委葉虹靈：「強欲所有的，毋管啥物層級的指揮者、審判者、第一線的執法者、情治機關人員、辦案人員，攏會講家己依法行政，攏會講家己無別的選擇。」
促轉會表示，轉型正義的推動分階段進行，每一个階段需要的時間、困難度攏無仝，有的是牽涉著政治，也牽涉社會的配合度。促轉會講，過去一直攏透過各種活動，來佮社會對話，未來這嘛是轉型正義推捒的重點之一。
