核一廠除役煏工程意外 環團質疑臺電無才調處理
郭柏均 陳保羅 / 台北報導
發布時間：
更新時間：
台電4月初進行，核一廠除役工程的時，煞煏出工人無細膩，共冷水管挖破的風波。環保團體今仔日開記者會表示，懷疑台電敢真正有才調，來做核電廠除役的工程。In呼籲，著愛有中央層級的機關來監督。
台電4月初進行核一廠除役工課的時，煏出無張持共冷卻水管挖予破。雖罔台電是掰會講，予人挖破的冷卻水管是預備的水管，彼工的冷卻系統是攏真正常，袂有危險，毋過環保團呼籲，應該愛設立中央層級的機關來監督核一廠的除役。
環團講，核電廠佇營運佮除役兩个階段，需要無仝的專業人才，無除役經驗的台電，in是真質疑敢有這个才調、會使處理除役的工課。
核能後端營運處講，一切應該做的攏有詳細規劃，對環團建議設置中央層級的機關來監督，營運處表示，包括事前的規劃、事後的處理，中央的原能會一切作業攏有咧監督。
台電4月初進行核一廠除役工課的時，煏出無張持共冷卻水管挖予破。雖罔台電是掰會講，予人挖破的冷卻水管是預備的水管，彼工的冷卻系統是攏真正常，袂有危險，毋過環保團呼籲，應該愛設立中央層級的機關來監督核一廠的除役。
北海岸反核行動聯盟執行長郭慶霖表示：「阮若是參考國際的經驗，伊需要做人事的重整，後端敢有人力，抑是需要其他的單位，我想除役的安全需要做嚴格的管控，我佇行政院提出愛設除役委員會，欲做啥，愛做除役的監督，包括除役了後，按照國際慣例，愛做地方的復育。」
綠色公民行動聯盟秘書長崔愫欣表示：「目前台電的核能後端處，從來就無處理過除役，連核廢料的問題到這馬攏無法度解決，所以到底恁是毋是有法度向外界保證，恁的能力是真正有法度來執行除役的工課。」
核能後端營運處處長張學植表示：「佇猶未進入除役進前，阮攏會組團去歐洲、德國、法國、日本、美國，攏有去考察欲按怎除役，佇機組停機進前，三年前就送原能會審查。阮嘛特別去聘請國外，除役有經驗的國外顧問公司，來協助咱除役計畫的規劃。」
2022杭州亞運 台灣百金之路
