臺語也通說天文 嘉義蘭潭國小用母語學科學

嘉義市為欲共台語教育加入特色課程當中，也有舉辦台語天文的活動，而且閣用台語來教囡仔，按怎講天文的名詞，希望欲囡仔除了學習科學智識，嘛會當知影台語會當討論任何智識。

教囡仔用台語唸天文名詞，嘉義市的國小配合母語日舉辦天文智識活動，家長參囡仔學天文智識，嘛順紲學台語。

嘉義市蘭潭國小，佇嘉義市努力推捒天文科學教育，這改配合世界母語日的活動，結合市內20間學校佮單位，共母語元素佮天文科學教育敆做伙，閣安排無仝族群的表演節目。

有一寡家長反映，雖然是推廣母語的活動，主辦單位安排的致詞抑是活動，猶是捷使用華語。

嘉義市母語文化教育學會表示，母語的推捒毋是干焦佇教室內底教囡仔，整個社會佮大人嘛攏需要做伙學習，才有法度改變目前愈來愈少人講台語的情況。