本土作家趙天儀全集出版 見證臺灣戰後文學
陳嘉筠 賴威佐 / 台南報導
發布時間：
更新時間：
臺灣本土詩人趙天儀、佇舊年過身，伊毋但是詩人、評論家，嘛是推動臺灣兒童文學誠重要的作家，臺南的國立臺灣文學館將伊一世人的創作重新整理，今仔日出版趙天儀全集，成做臺灣戰後文學的見證。
佇鏡頭前回億細漢時的囡仔歌，這是臺灣文學館紀錄趙天儀的影片，趙天儀過往欲一冬，伊對少年到過往進前的作品，攏收佇這18本的趙天儀全集。
現場有濟濟詩人佮文學作家，攏做伙來參加新冊發表會。
趙天儀1935年佇台中出世，舊年過往，細漢時陣經歷過戰爭，佇台大教冊的時陣，受著台大哲學系事件牽連佮迫害，毋過伊繼續創作，寫詩、寫評論、嘛寫兒童文學。
臺灣文學館表示，趙天儀留落來遐爾濟文學作品，是文學界的寶，in嘛向望會當予閣較濟的後輩學習。
佇鏡頭前回億細漢時的囡仔歌，這是臺灣文學館紀錄趙天儀的影片，趙天儀過往欲一冬，伊對少年到過往進前的作品，攏收佇這18本的趙天儀全集。
現場有濟濟詩人佮文學作家，攏做伙來參加新冊發表會。
趙天儀1935年佇台中出世，舊年過往，細漢時陣經歷過戰爭，佇台大教冊的時陣，受著台大哲學系事件牽連佮迫害，毋過伊繼續創作，寫詩、寫評論、嘛寫兒童文學。
臺灣文學館表示，趙天儀留落來遐爾濟文學作品，是文學界的寶，in嘛向望會當予閣較濟的後輩學習。
