何明德行善團負責人涉侵占 嘉邑團緊出面坐清

1965年成立的何明德行善團,創辦人過身了後,本底的行善團煞分做三團。其中創辦人的查某囝接手的何明德行善團,這陣予嘉義地檢署指控,負責人涉嫌侵占善款;另一个仝款佇嘉義,嘛佇全國真有名聲的嘉邑行善團,為著避免外界誤解,下晡召開記者會,希望民眾拂毋著團體。

服務人員共敲電話來的民眾解說,講嘉義市嘉邑行善團佮何明德行善團是無仝的團體,嘉邑行善團有向政府來立案,募著的捐款,使用攏符合政府規定。

予檢調指控涉嫌侵占善款的何明德行善團,負責人嘛出聲喝冤枉。紲落來會先暫停所有的勸募,靜待司法還in的清白。賰的善款會繼續投入造橋、鋪路善事。毋過嘉義地檢署下晡表示,何明德行善團涉嫌幾若項罪名。

嘉義地檢署表示,何明德行善團毋是有立案的社團,每個月大約有2千萬的會員捐款,in對2002年開始佇網路來勸募,累計有9億外的善款,其中4億外做私人投資使用。

全台敬老金大調查

相關新聞