腦性麻痺生興學習 屏東大學提供母囝愛心宿舍
加入公視會員，
按讚收藏你關注的報導
發布時間：
更新時間：
來看屏東大學，有一位腦性痲痺的新生"蔡東霖"，無受著身體先天的障礙來束縛，是真佮意、嘛足認真咧學習，校方為著幫助家長通好照顧伊的生活，特別提供宿舍予母仔囝蹛，老師佮同學嘛攏會鬥相共，予蔡東霖會當完成讀大學的夢想。
共囡仔扶咧，tshua7伊一步一步慢慢仔向前行，這是屏東大學一位腦性麻痺的學生蔡東霖，佮伊的阿母王淑萍。校方為著欲幫助家長閣較方便照顧囡仔，也特別提供無障礙愛心宿舍，予in省真濟交通時間，通閣較專注佇咧學習。
共囡仔扶咧，tshua7伊一步一步慢慢仔向前行，這是屏東大學一位腦性麻痺的學生蔡東霖，佮伊的阿母王淑萍。校方為著欲幫助家長閣較方便照顧囡仔，也特別提供無障礙愛心宿舍，予in省真濟交通時間，通閣較專注佇咧學習。
雖然蔡東霖自細漢就致著腦性麻痺，喙無法度講話溝通、手袂當攑筆寫字，跤嘛無法度好好仔徛咧佮行路，毋過透過王淑萍的設計，製作真濟適合蔡東霖使用的拍字等等的生活工具；老師嘛會特別搝長蔡東霖的考試時間，予伊毋免因為身體的障礙來放棄讀大學。
雖然對蔡東霖來講，這條讀大學的路行起來有較辛苦，毋過伊家己是攏真樂觀，猶閣有阿母佮學校的老師、同學咧共鬥相共，會當減輕真大的負擔。蔡東霖嘛希望除了本科的國際貿易課程，未來會當閣愈精進電腦資訊的專業，佇大學滿足各種對學習的期待。
