網站"科學布袋戲"弄尪仔.臺語說科學 加添趣味

臺語佮文化，也會當運用佇新智識喔!佇網路頂頭，有一个用傳統布袋戲來演戲，內容是咧教人生活當中的科學。用短短的影片，開剖生活科學，有影真趣味。

伊是smart，台語輪轉無稀奇，有法度用台語講科學才是伊厲害的所在

今仔日的故事，是考生阿文的故事…

有一个專門講科學的網站，用簡單的方式希望予大眾了解佇生活的各種科學，尤其民俗傳說有當時仔，嘛會當用科學的角度來解說

用布袋戲加上科學的角度，來開破古早傳說佮民間科儀的神秘氣氛，毋過和過去真無仝款的劇本，干焦是布袋戲的服裝，就予布袋戲的頭手真傷腦筋

科學、台語、布袋戲，這三種全然無仝的元素合做伙，推廣生活科學，其實嘛是向望會當保留咱家己的傳統文化

將本底困難複雜的科學，用簡單的原理共逐家講，生活中各種和科學有關的代誌，也佇眾濟無仝語言的科學智識中，加入台語，予語言、智識攏會當多元流通