屏東檸檬大出煞受疫情影響 1斤跋到賰5箍

一粒閣一粒飽滇的檸檬，這陣當大出，毋過受著疫情的影響，檸檬銷無路，產地的價數落甲一台斤賰5箍。

屏東種檸檬的面積占全國百分之66，有1千8百外公頃。九如鄉農會總幹事龔泰文講，檸檬農佇舊年仝期猶有淡薄仔利純，今年檸檬大出閣敗市，他認為，鼓勵檸檬加工，也是造成敗價的原因之一。

龔泰文也呼籲著共二等貨提去做肥，予檸檬的市草恢復正常，農民才有穩定的收入。