吳朋奉外省家庭大漢 毋過強烈認同臺語


吳朋奉佇臺語戲劇的表現,受著真濟觀眾佮意,毋過伊是佇外省家庭大漢,煞對臺語的認同,是自細漢就釘根。吳朋奉閣是一位臺語詩人,拚勢推動臺語戲劇和牽成後輩,吳朋奉傳承本土文化的精神,值得咱的欽佩。

用台語寫詩、寫在地的故事,這是吳朋奉的創作,1992年的時,被刊佇自立早報,吳朋奉予人叫作三金影帝,不過演員的身分背後,他也喜歡台語寫作。

吳朋奉雖罔出世佇外省家庭,不過自做囡仔的時就蹛三重晡,身軀邊的人攏講台語,就算講經歷過講國語運動,不過伊對台語的認同,敢若足早就釘根矣。

啟蒙吳朋奉行入演藝人生,舞台劇會使講是伊累積戲劇養分重要的頭步,他的老朋友金枝演社創辦人王榮裕,也說出吳朋奉對戲劇有偌爾頂真。

吳朋奉也鼓勵少年演員用台語演戲,閣行跤到,親身指導少年演員演戲的眉角,吳朋奉也上公視台語台的節目、錄影,分享伊精彩的演藝人生。

吳朋奉創作的形影跟對台語、本土的熱愛、這些精神攏會佇濟濟的戲劇內底,永遠留存。

相關新聞

專題|全台敬老金大調查