臺南結婚登記送大補帖 向望分好運予新人

現代人較晏結婚，就算結婚也無一定想欲生囡仔，囝生少狀況愈來愈嚴重，臺南仁德戶政事務所自今年正月開始，推出「助好孕、迎幸福」的大補帖，取中藥大補帖的諧音，準備真濟的小禮物，欲送予佇特別日期來登記的新人，也希望鼓勵in結婚後加生囡仔。




結婚登記閣會使提小禮物，臺南仁德戶政事務所結合2020年，華語愛你愛你的意思，頭擺推出象徵好運、圓滿的禮物，只要來遮登記結婚的新人，攏有祝你好孕(運)、迎幸福的大補帖，希望予民眾喜上加喜。

===仁德區戶政事務所主任 吳淑鳳===
就是每個月都會指定一天
那基本上都是從農民曆
挑出來的 所謂的好日


若是新人佇特殊的日子，像2/14西洋情人節、5/20諧音我愛你抑有舊曆的好日，來仁德戶政事務所登記，逐个人攏通提著一帖大補帖，內面有造型雪文、蠟燭等等的物件。

===仁德區戶政事務所主任 吳淑鳳===
在我們的指定日
來辦理結婚登記的時候
就送他這個紀念卡
然後他們就可以在上面寫下
對彼此的貼心話語
或者是對新婚的感動或期許


這張愛在仁德的結婚紀念卡片，予新人通寫情話予對方，戶政人員也會揀特別的日子免費寄予新人。這个結婚登記送禮活動會繼續辦到年底，戶政事務所希望佇2020年，會使歡喜迎接雙雙對對的新人。

記者 綜合報導