烏魚季正式開始 民眾買烏魚通立冬補喙空
發布時間：
更新時間：
若到寒天，飼烏魚的業者，就開始欲收成囉！來看彰化伸港的曾家村，剖開的烏魚子，逐副攏真大枇，規年迵天的辛苦，有所望，漁民豐收好年冬。
人講:「九月烏，較贏食豬跤箍。」就知影用烏魚來做補身體的料理絕對是排有頂的。佇咧彰化伸港曾家村，也開始咧收成今年頭一批的烏魚。也因為立冬就欲到阿，真濟民眾攏趨倚來，交關選買。通好「立冬，補喙空。」
==養殖業者 曾能允==
今年多飼養一年
有較大尾
價格 現在市場 我們有去看
一百一十至一百二十 一公斤
「魚趁鮮、人趁茈」今年收成的時陣，雖然毋是假日。毋過知影這個消息的民眾，也趨倚來，逐家也搶欲買今年頭一批，活跳跳的烏魚。養殖業者表示，這窟烏魚已經飼5冬矣，逐尾攏真大尾，平斤攏有三斤半。
==彰化縣議員 賴清美==
這個烏魚是今年彰化縣第一場
在曾家村捕撈的
每一尾都很飽滿
新鮮度是絕對的
有要吃 有要買的人要趕快
今年的價格稍漲幾塊錢
現掠的烏魚新鮮閣清甜，肉質硬Q閣袂軟流，現剖開的金黃色的烏魚子，逐副攏大枇閣飽滇，佇咧日頭跤閃著金黃色的光芒，用看的，就感覺真好食款。毋但烏魚子逐家搶欲愛，烏魚標，也是蹛巷仔內，指名愛買的物件。看著逐尾活跳跳的烏魚，也看著台灣養殖業的烏金，看著所有的魚貨，變做人客喙內底的好貨，這款予人肯定的豐收，才是作穡人的好年冬。
