玲玲風颱形成 外圍環流明仔載影響臺灣

踮佇咧菲律賓東爿海面的熱帶性低氣壓，早起已經加強變做今年第13號的風颱，名號做"玲玲"。氣象局估計講，按算自明仔暗開始會影響臺灣，拜三四仔離咱上倚，嘛有機會會發佈海上警報。

氣象局表示講，風颱玲玲閣來會ann3北北西這个方向徙振動，漸漸會接近臺灣東爿的海面；自明仔暗開始，到甲9月初5這站，因為外圍環流的影響，台灣東部和南部，雨水攏會較厚，毋過現此時國外咧預測，大家看法是無啥仝，有的預測講會離台灣較倚，嘛有的是判斷離台灣袂講蓋近，。另外佇咧海南島南爿的熱帶性低氣壓，拍算上緊者，今仔日嘛會加強變做第14號的風颱，名號做「劍魚」，毋過短期間對台灣是較無影響。