臺中霧峰辦展覽 紹介產茶國文化佮做茶過程

真濟人愛紅茶，臺灣現此時，也有好啉的紅茶，臺灣的紅茶其實是佇一百冬前對印度阿薩姆來的，在臺中霧峰的光復新村，就有一个「一杯茶看見東南亞」的展覽，不只介紹茶的文化，也通了解茶的歷史。


大人囡仔誠骨力共茶葉撋咧撋咧，in親身做茶，了解做茶的辛苦，臺灣人佮意啉茶，毋過你敢知影你啉的茶是對佗位來？臺中市社會局佮中興大學合作，佇霧峰光復新村，規劃一場「用一杯茶看見東南亞」的展覽。

==中興大學國際事務處國際長 陳牧民==
目前的茶的製產量其實是不足的
就我們喝的茶的數量其實相當多
但是有百分之三十是從外面進口
那大部分是從印度 斯里蘭卡
越南這些進口
特別是紅茶的部分

中興大學講，臺灣的紅茶是佇一百冬前對印度阿薩姆(ā-sám)來，展覽用茶葉做主題，紹介臺灣、印度佮斯里蘭卡的歷史佮文化，嘛紹介種茶葉佮生產的過程，予臺灣、印度佮斯里蘭卡的關係閣較峇。

==臺中市社會局長 李允傑==
那從這個茶文化當中
我們看得出這裡面有
不同國家之間的文化交流
經濟的交流
還有甚至友誼的串聯

==[接]現場民眾==
我們其實對於茶很喜歡
所以也很想認識一下
其他國家的茶
到底他們都喝哪些茶

臺中市社會局講，這擺的展覽毋單是呈現茶園的景色、挽茶佮互動，嘛向望透過茶的展覽，予民眾會當認捌永續農業，共種茶到生產茶葉的過程tshuā去社區內底，嘛向望逐家會當用茶葉予世界看見咱臺灣。

記者 綜合報導