臺北增加「營業共用臨停區」 閣延長停車時間

為著欲解決、貨車、復康巴士，計程車，無地臨時停車的問題，台北市交通局佇今年四月開始、有加畫106格「營業用共用臨停區」，原本是規定干焦會當停三分鐘，自拜三開始，停管處宣佈、復康巴士、計程車停車時間延長做10分鐘，貨車通借停20分鐘，另外明年會閣增加150格。


貨車司機共車、停佇藍線格頂面，這是專門予貨車卸貨的所在！若共鏡頭徙到、黃色格仔，這是臺北市交通局，四月份才設的「營業用共用臨停區」，佮藍色格仔無仝的是，伊除了提供予貨車上貨、落貨借停，復康巴士、計程車嘛通借停。原本臺北市停管處是規定、干焦會使停三分鐘，拜三宣佈復康巴士、計程車通借停10分鍾、若是貨車通延長到20分鐘。

台北市停管處企劃科科長梁力元表示，「到今年九月阮做一寡使用心得，佮會當改善的所在，貨車會當停20分鐘，然後其他車種、計程車、復康閣有長照，in是停十分鐘，就是阮有做遮的調整。」


就有駛貨車的業者認為，對ﰀ來講增加到20分鐘、猶是無夠，至少愛30分鐘才有夠業者落貨，而且台北市目前的「營業用共用臨時停車格」才106格，ﰀ認為傷少、根本就無夠。

台北貨車公會總幹事周小姐，「可能我落一个車，貨猶未搬就已經三分鐘到矣，20分鐘當然無夠、但是總比3分鐘好，所以阮一直希望政府開放紅線臨停，毋過in閣講會影響交通。」


對此，台北市停管處是回應、會設「營業用共用臨停區」的目的，是為著欲減少交通亂象，予大台車的司機、臨時停車方便，若延長到30分鐘傷久、會造成其他民眾交通用路的無方便。另外格仔傷少的問題，停管處表示，明年會閣增加150格、提供業者有閣較便利的環境。

記者 鄭亞宣 許猛捷 臺北報導