紙風車劇團工作室2020年火燒 燒掉濟濟設備

空間內囥真濟劇團的家私、布景，紙風車劇團佇2冬外前因為囥布景家私的倉庫著火燒，真濟心血烏有去，也凸顯出劇團的經營困境。最近佇官方協助之下，總算揣著國防部佇汐止拋荒的彈藥庫通好租借使用。
紙風車文教基金會董事長 李遠表示：「三年來疫情加上火災，都強袂行袂落去，這雖然是小小的一步，猶是予阮通行落去。」
文化部自舊年開始推展表演藝術倉儲試辦計畫，協調國防部軍備局提供汐止的舊彈藥庫，紙風車劇團共過去的官兵宿舍整理好勢，嘛有保全、消防系統，大大改善過去的安全問題，也邀請這兩冬得著國藝會獎助的七个優秀演藝團隊進駐，除了減輕營運壓力，也解決倉儲問題。
文化部長 李永得表示：「試辦計畫也是起步，未來希望逐个縣市攏通揣試辦空間，滿足在地團隊需求。」
文化部表示，台灣各地攏有一寡仔閒置空間，未來也會看試辦狀況繼續推動，另外也會協助改決目前這搭仔溼澹的問題。