文物館邀請歌仔戲團員 ﰓ序大體驗用廣播唱戲
林緯廷/嘉義報導
發布時間：
更新時間：
目次
嘉義民雄的國家廣播文物館，最近邀請在地的歌仔戲演員做講師，來教序大按怎用廣播的方式唱歌仔戲，予序大體驗廣播的趣味。
「彼隻幫我送批的燕仔，可能是，飛去到美國去。」
提著口白的稿來練習講話的腔口，趣味的內容予來上課的序大，逐家是笑共誠歡喜。嘉義縣民雄鄉的國家廣播文物館，舉辦課程予序大體驗廣播歌仔戲。
國家廣播文物館廣播文資組長郭榮哲表示：「共歌仔戲佮廣播文物館敆做伙，除了會當予序大回味以外，尤其是這種聲調的訓練，佮廣播的口才其實是誠倚。」
這改的課程當中，除了分享早期廣播歌仔戲的作品，老師嘛向序大說明廣播歌仔戲佮電視歌仔戲無仝的所在，閣有準備跤本欲來予序大家己唱看覓。
「身騎白馬，走三關」
上課序大官女士表示：「有時陣咱咧講這好親像是較無啥正確，猶毋過佳哉，好佳哉口白閣唸會出來。」
正明龍歌劇團藝術總監江俊賢表示：「阮今仔日咧分享王寶釧薛平貴，無仝年代的故事，予咱聽著較早咱廣播電台所留落來的一寡好的聲音，佮一寡仔記持，
上課的序大表示，廣播歌仔戲因為攏是靠聲來放送，所以口白的內容閣有聲音的感情，顛倒成做上重要的部份，而且閣會當錄家己唱的歌仔戲，實在是感覺誠心適。
專題｜改造地獄路 台灣行人路為何難行？
