陽明山警察分駐所改實驗山厝 設計品牌展生態

對陽明山小油坑服務站起來，到陽金公路上懸點，這間紅色厝體的就是陽明山實驗山厝。入來山厝，就鼻著以大屯山火山地質為概念烘的咖啡，一場新的陽明山山林體驗，已經恬恬開始。

格式設計展策總監王耀邦表示，陽明山人講是草山，正經是真媠，但是一个所在，會當予peh山的人入來了後，會當啉一下咖啡，歇睏一下，看一下冊 猶閣有展覽，多元的方式，予人去了解人佮自然欲按怎相處。

起來二樓，就若像入來一間巡山員的研究室、有各種蛾的標本和蕨類的紹介，也有peh山員提供的登山秘境。其實這間山厝的前身是民國60年代起的小觀音房舍，當當時是警察的駐在所，拋荒20外冬，舊年王耀邦和伊的團隊佮陽管處，佇文化部和台灣設計研究院的專案中，將設計和品牌的概念引進，打造國家公園內的山厝美術館。

陽明山國家公園管理處發言人張順發表示，陽明山國家公園來講，今年已經第36年矣，所以阮嘛希望會當提供一寡，未來較符合設計感的服務方式，格式設計展策總監 王耀邦，阮未來嘛會開發譬論講阮tshua6人去看，暗時的草山會發生啥物代誌，有蟲豸、有夜行性動物。

山厝對八月份開放線頂預約導覽，逐禮拜平均兩三百位民眾登記，有登山客、騎鐵馬的，也有專工起來看冊的大人和囡仔。經歷疫情，民眾閣較倚近大自然，陽明山國家公園也望山厝成做園區內其他遊客中心的示範點，發展出閣較有品質的山林體驗。