蘋果公司欲予Siri講臺語 變調和腔口認別上頭疼
發布時間：
更新時間：
蘋果公司今年正月官方網站刊公告，講欲揣臺語輪轉的工程師訓練Siri講臺語；毋過臺語老師表示，臺語上大的特色就是語調和變調，資料庫愛用完整的一句話來輸入，才有通提升判讀的精準度。語音工程師也講，對聲音的收集、腔口差和新詞彙的增加，攏需要開時間累積。Siri愛會曉講台語，可能無遐爾簡單。
這馬的蘋果語音助理siri小姐台語講袂輾轉，不過未來用台語請伊鬥揣路、報天氣、寫備忘錄，應該無問題，今年一月蘋果公司佇官方網站宣布，請日本Yokohama團隊揣會曉台語的工程師，訓練siri講台語，提供閣較在地化的服務不過欲建立一套完備AI語音助理系統，對腔口差、聲音和文字的辨識能力，到大量辭彙資料庫的建置，攏愛斟酌。
做台語配音超過十年，也捌錄過台語語音助理的葉小姐表示，錄這種語料，聲音的穩定性足重要，不過替換詞彙，伸勼空間若較少。
這馬SIRI小姐有21種的語言服務，GOOGLE助理小姐有超過30種，不過攏猶無台語，語音工程師表示對收集錄音檔到初步建置完成，愛幾若個月，後台嘛愛定期優化，增加新的詞彙，提升判讀的精準度，才通有閣較優質的服務。
這馬的蘋果語音助理siri小姐台語講袂輾轉，不過未來用台語請伊鬥揣路、報天氣、寫備忘錄，應該無問題，今年一月蘋果公司佇官方網站宣布，請日本Yokohama團隊揣會曉台語的工程師，訓練siri講台語，提供閣較在地化的服務不過欲建立一套完備AI語音助理系統，對腔口差、聲音和文字的辨識能力，到大量辭彙資料庫的建置，攏愛斟酌。
Google資深研究員宋雲軒:「語音辨識系統的詞彙，大概是一萬到百萬之間，根據這馬網路的資料，揣出一般台灣的使用者，上捷用的詞彙共伊收集，比如講英文大概用十萬到一百萬，中文可能十萬个辭。」
李江却台語文教基金會執行長陳豐惠:「其他語言較無相對複雜的變調狀況，所以你若無用句來輸入的時陣，電腦伊所接收著，若假使攏是詞，伊無法度去分辨講，一般講台語的人，伊咧講規句的彼个聲調狀況，伊就會無法度分辨。」
做台語配音超過十年，也捌錄過台語語音助理的葉小姐表示，錄這種語料，聲音的穩定性足重要，不過替換詞彙，伸勼空間若較少。
台語配音員葉于嘉:「伊無愛你有啥物情緒，伊嘛袂當講你去調整伊的內容，你愛照翻、照念，所以講你袂使加啥物連接詞，或者是講你去改伊的順序，所以念起來會較礙虐。」
這馬SIRI小姐有21種的語言服務，GOOGLE助理小姐有超過30種，不過攏猶無台語，語音工程師表示對收集錄音檔到初步建置完成，愛幾若個月，後台嘛愛定期優化，增加新的詞彙，提升判讀的精準度，才通有閣較優質的服務。
