臺灣文化協會成立百冬 4D科技展現蔣渭水形影
發布時間：
更新時間：
今年是臺灣文化協會成立一百年，大稻埕的渭水驛站、特別共協會創立者蔣渭水的展覽升級，結合上新的科技，4D的技術，予蔣渭水轉來咱的目睭前。
畫面看起來就親像蔣渭水本人參你講話，這是臺北市文化局最近參文策院等單位合作，佇大稻埕渭水驛i̍k站常設展捒出上新的4DViews影片，予民眾體會佮歷史人物互動的感覺。
文化局請來蔣渭水先生的乾仔孫扮演(pān-ián)阿祖，民眾看著立體影像，就親像蔣渭水咧介紹伊家己，內容包括成立大安病院的初心、參與社會運動、創立日本時代第一个政黨臺灣民眾黨、參與成立臺灣文化協會等等，予民眾閣較了解這位臺灣文化啟蒙(khé-bông)的前輩。
許美惠表示，今年是文協成立百冬，渭水驛站佇舊年九月底就開幕(khui-bōo) ，特別選佇過去大安病院的舊地址，也是推動臺灣新文化運動的根據地邊仔，就是希望予閣較濟人通了解蔣渭水的精神。
畫面看起來就親像蔣渭水本人參你講話，這是臺北市文化局最近參文策院等單位合作，佇大稻埕渭水驛i̍k站常設展捒出上新的4DViews影片，予民眾體會佮歷史人物互動的感覺。
民眾：「感覺會當看著蔣渭水先生來這个展覽，有淡薄仔身歷其境的感覺。」
臺灣新文化運動紀念館館長許美惠：「阮攏總有五个點，你用平板來看的時陣，會使看著伊的影像出現，佇遮共你導覽，會共你講這段就是我啥物故事，彼段原來就是講我啥物故事。」
臺灣新文化運動紀念館館長許美惠：「IN組織這个文化協會，四界去做演講，去推動講咱台灣有啥物款的文化，這馬這世界上有啥物智識，有啥物思想當咧發生，予咱臺灣人民攏會當了解遮的代誌，了解咱是臺灣人。」
許美惠表示，今年是文協成立百冬，渭水驛站佇舊年九月底就開幕(khui-bōo) ，特別選佇過去大安病院的舊地址，也是推動臺灣新文化運動的根據地邊仔，就是希望予閣較濟人通了解蔣渭水的精神。
