竹北新月海埔滇流湧大 釣客毋聽勸.逼海巡戒護

新竹縣竹北市新月海沙埔,進前有3位釣客佇碼頭釣魚,海漲的時陣海湧攏已經淹過跤盤,猶是毋走。因為這个所在無限制袂當釣魚,海巡人員袂當趕人,只好佇現場戒護到釣客離開。

明明海湧已經淹到這3个人的跤邊,in猶閣繼續釣in的魚仔。邊仔看著的人,攏真煩惱安全,定定來這釣魚的民眾,嘛講按呢實在真危險。

雖然講海巡派人到現場苦勸,毋過遮並無限制放釣,無法度強迫in離開,最後只好繼續佇現場保護的安全。

根據災害防救法規定,干焦有發佈風颱警報,閣有成立災害應變中心的時陣,海巡隊員才會使驅離釣客,猶毋過海巡人員呼籲民眾,海漲的時陣,千萬愛顧好安全問題,避免發生意外。

相關新聞

專題|全台敬老金大調查