公視台語台、明年全新的電視電影「討數女王」，故事是咧講一位太太處理翁婿留落來的債務，所發生一大捾趣味閣感動人的故事，佇今仔日也舉辦開鏡記者會，做伙祈求、拍戲順利

討債女王的導演張修誠、還有男女主角、主要演員，攏做伙出席開鏡儀式，祈求拍戲一切順利

公視台語台2021年，全新電視電影「討數女王」，故事主要內容是描述，女主角為著欲處理過往翁婿，留落來的債務，開始各種料想袂著的討數行動

另外男主角張珞偍，佇劇中演bok-sìn-gù教練，為了有上完美的演出，伊嘛特別訓練身體

這齣討數女王，劇中演出現代女性面對困境的堅強個性和應變能力，公視台語台除了進前開鏡的弓蕉園的秘密、討數女王，後續嘛會安排女性佮環保議題的影視創作，預計會佇明年的四月開始播送。