左鎮國小做傳統食物.陷阱 望傳承西拉雅文化


西拉雅這个族群,往過攏分佈佇臺南。臺南的左鎮國小、這陣也教孩子做"西拉雅族人"的食物、也閣有鳥鼠張,咱做伙來看。
 
共手伸入去竹管仔內底,揬著開關,手攏袂赴勼轉來,就予索仔套牢咧矣,這就是較早西拉雅族用來張鳥鼠仔的陷阱。

看遮的學生囡仔遮爾認真咧上課,斟酌咧看老師示範做法,臺南市的左鎮國小逐冬佇咧歇熱的時陣,攏舉辦西拉雅的文化體驗課程,予囡仔學習用天然的材料,來做好食的草仔粿、薑黃餅佮麻糍。

因為臺南市的左鎮區往過是西拉雅族的主要生湠地之一,所以左鎮國小就來舉辦這體驗營,向望會當繼續共西拉雅文化保留、傳承落去。

全台敬老金大調查

相關新聞