陳正雄臺語小說"毋捌的" 描寫社會低層受肯定


2020臺灣文學獎創作獎臺語小說的得獎人陳正雄。今年58歲的伊,用臺語寫作20外冬,寫過真濟詩,也出版過濟濟作品,這擺得獎的臺語小說號做「毋捌的」,描寫佇這片土地定定去予人放袂記、佇社會當中生活的人,伊也希望母語,會當透過書寫,一直傳落去。

行佇台南市王育德紀念館的走廊,有紅磚仔、有水池、有涼亭,看過去真有古味。得著今年臺灣文學獎創作獎"臺語小說類"頭名的陳正雄講,王育德就是啟蒙伊有臺灣意識的重要人物。

陳正雄對1998年參加臺語研習班、閣來加入臺語讀冊會、也去臺語文筆會,用母語寫作20外冬,陳正雄寫過濟濟詩、也出版袂少作品。

這回陳正雄得獎的臺語小說作品「毋捌--的」,描寫活佇社會的邊仔角落,袂去予人注意著的人,表達伊對弱勢的關心,也受著臺語前輩的肯定。

今年58歲的陳正雄講,伊的創作攏是伊成長的點點滴滴,也是傳承母語的跤跡。伊也望未來有閣較濟後輩同齊創作,提高台語文學作品的質佮量。

全台敬老金大調查

相關新聞