重現早期農村景緻 父母ﰓ囝體會作穡飼牛

「台灣耕牛文化協會」這个團體,特別揀佇咧宜蘭的農地,設計活動,予做人爸母的,帶囡仔,來體會作穡、飼牛、犁田的農村生活。 
 
水牛拖大人和囡仔佇田裡咧作穡,看起來若像真心適。以前佇農村捷看會著的情景,現代社會煞沓沓消失。台灣耕牛文化協會為著推廣耕牛文化,tsua̋n舉辦體驗活動,吸引真濟家長tshuā囡仔報名參加。
 
現場除了水牛,閣通予小朋友提草飼黃牛。這對頭擺參加的囡仔兄、囡仔姊來講,也是一種新的體驗。主辦單位希望這款和牛同齊做田,閣有飼牛的活動,毋但會使重現早期的農村文化,嘛通教育囡仔文化傳承的重要性。
 
雖然這陣作穡已經現代化,耕牛也已經予利便的機械取代,毋過,協會猶是希望透過這款的活動,予民眾重新熟似土地,同齊守護咱所生活的環境。