卜蜂按花蓮設大型飼雞場 宣佈計畫暫停
加入公視會員，
按讚收藏你關注的報導
發布時間：
更新時間：
進前，卜蜂食品公司，佇咧花蓮縣內申請欲起大型的飼雞場，受著濟濟的民眾踏出來抗議，今頭拄仔，卜蜂公司也宣布講，無得著花蓮的鄉親眾人認同進前，建設「飼雞仔場」相關的作業，即時開始攏總暫停。
卜蜂公司按算欲佇花蓮，大規模落去飼雞生卵，煞去遭遇著在庄的民眾，一擺閣一擺的抗爭。卜蜂公司今嘛表示講，已經有提出上蓋大的誠意，和地方閣有各級的政府溝通，毋過公司這爿是自認講，無得著公平對待，合理討論的機會。為著保持地方和諧，所有花蓮建設飼雞場的計畫，決定攏欲暫停。
