景文科大廖正宇 得著德國IKA翻糖藝術金牌


用「翻糖蛋糕」的手路,打造侏儸紀的恐龍世界。景文科技大學的學生廖正宇,用這个作品提著今年德國「IKA奧林匹克廚藝大賽」的金牌。製作的這項作品著開四個外月,伊嘛轉去高中母校分享經驗,鼓勵學弟、學妹,揣著家己的興趣,毋驚困難一直拚。


兩座山中央有一道水沖,頭前有三隻恐龍,逐項攏做甲真幼路,規个畫面親像真的,予人想袂著這是一粒「翻糖蛋糕」。這是景文科大學生廖正宇的作品,得著今年德國「IKA奧林匹克廚藝大賽」的金牌。

廖正宇講,干焦研究比例,就開真濟時間,製作過程前前後後無閒4個外月。廖正宇的指導老師講,學校提供設備,伊家己真用心練習,閣加上學校的獎勵制度和教育部補助,才提著這擺好成績。


打拚有成績,伊嘛轉去高中的學校和學弟、學妹分享經驗,廖正宇講,堅定目標向前行,成績就佇遐。

記者 綜合報導
 

九合一選舉指南

相關新聞