學生佮創世基金會合作 捒動物圖樣喙罨套

掛喙罨做防疫，也會當做公益，雲林斗六環球科技大學設計系的學生，推出有圖樣的喙罨套，會當掛出家己的特色，賣喙罨套趁著的錢嘛欲捐出來助贊植物人。


佇舞台頂，展美麗、展時毛，遮予人看媠的model，逐个人攏掛喙罨，詳細看，黑的、紅的、青的，喙罨套仔，包括色水和形體，攏是學生家己配色、家己主張一手設計的。

結合金庸小說，刀光劍影的武俠元素，雲林斗六環球科技大學時尚造型設計系的老師和學生，用金蔥的貼紙，妝踏喙罨，也設計這種有印喵仔、麒麟鹿、和各種花草的喙罨，佇防疫期間，展現創意，也共遮的喙罨，交予創世基金會義賣，希望替植物人募款。

防疫的關鍵時期，環球科技大學的學生，用in對服裝設計和推廣美學的概念，設計遮充滿少年氣的喙罨，希望得到逐家的支持，掛奇巧的喙罨，保護家己，也做公益，助贊弱勢的人。