此網頁已閒置超過5分鐘，請點透明黑底或右上×按鈕繼續閱讀
南投仁愛之家遭匿名員工檢舉，涉嫌詐領防疫獎勵金。縣府前往調查，初步發現有4人沒有實際從事防疫照顧工作，卻請領17萬元獎勵金；另有7人涉及少做多領浮報的情形。後續全案將函送南投地檢署偵辦。
閣來看中國的疫情當咧滾絞，毋過煞共防疫做一下放冗，今仔日閣開放in的人民出國旅遊，予國際攏緊急針對中國的旅客加強入境的檢疫管制。另外，泰國這馬也宣佈，對明仔載、初9號開始，所有國家的旅客，攏愛有、注過兩筒疫苗的證明、才會當入境。(此新聞標題、前言為臺文)
國內今仔日增加31078个本土病例，帶病入境的有436例，其中有一半是對中國來的。指揮中心也公佈，中國入境旅客第二批採檢，陽性機率是17.9%。指揮官-王必勝表示，上緊明仔載會公佈頭一批病毒定序，目前上煩惱的，就是閣較強的變種病毒入侵臺灣。若按呢生，民眾敢需要一直注疫苗咧？王必勝強調，若無新的變種病毒出現，民眾一年也是愛注2筒。(此新聞標題、前言皆為臺語文)
疫情雄雄衝懸，國內今仔日增加33330个本土病例，死亡個案有17例，另外帶病入境的有541例，這帶病入境出現疫情3年以來，1日病例數上濟的紀錄。有感染科的專家警告，變種病毒BQ.1可能會變國內後一批流行的病毒株，呼籲民眾愛趕緊去注新配方疫苗。臺北的注射站，早起已經出現人陣矣。(此新聞標題、導言皆為臺文)
中國官方咧半暝仔宣布，對明年1/8開始，恢復中國公民出境旅遊，取消入境隔離管制，無欲閣做PCR，入境PCR和集中隔離攏會取消。毋過，疫情上嚴重的北京，當地醫院急診室和火葬場，攏客滿。中國疫情解封，也讓不少臺商想回臺過年，但機票煞貴甲驚人，目前轉來臺灣的往回機票，上低攏愛要臺票五萬箍起跳。
國內的疫情漸漸咧夯懸。今仔日是增加1萬7千外例本土病例，比頂禮拜加一成六。也因為欲增加民眾保護力，這馬若注過對抗BA.1的疫苗，閬三個月就會當閣注種預防BA.5的新配方。大約有180萬人今仔日就會當注射。
中國疫情嚴重，佇臺灣也出現民眾相爭買普拿疼的情形。郵局也有發現，這禮拜寄去中國的包裹有變濟，民眾除了寄普拿疼，閣會寄清冠一號，連帶去中醫診所，家己開錢買清冠一號的民眾有增加。指揮中心這馬是先用苦勸的方式，呼籲民眾買藥仔愛撙節，若準傷過譀，無排除會用徛名制，限制民眾買藥仔的數量。
行政院會12/22通過小三通專案，提供金門媽祖地區的民眾，以及中國配偶，佇舊曆過年前後1/7到2/6，會當透過專案申請航班回鄉。毋過頭一批無開放臺商對中國轉來臺灣，就有臺商呼籲，愛趕緊恢復兩岸直航的客輪，上無會當予上萬人轉來臺灣。
雖然疫情有穩定，毋過逐工猶是有上萬人確診。指揮官王必勝建議，根據國內外經驗，演唱會是疾病傳染的高風險場所，針對年尾活動、聖誕節活動，若欲去演唱會，建議民眾猶是愛掛喙罨。
中國防疫沓沓仔咧放冗，航空公司也陸續公佈舊曆過年的加班機，目前12月、1月，上海桃園往回的機票，愛一萬五千箍的人民票，大約臺票七萬外，是有史以來上貴的價格，台商也望講"小三通"趕緊重新恢復。
