屏東歸來慈天宮設計媽祖掛喙罨尪仔 宣導防疫

屏東的歸來慈天宮,這幾年咧推動濟濟文化創意的商品,今年因為武漢肺炎滾絞,廟方推出媽祖婆掛喙罨的尪仔,欲提醒鄉親愛做好防護。

1身、1身媽祖婆尪仔tshai7佇廟裡,逐身攏笑甲目睭微微,看起來不止仔古錐。毋過斟酌共看,遮的媽祖婆尪仔面頂哪會攏掛1塊喙罨?

原來這是屏東歸來慈天宮的用心,現時武漢肺炎滾絞,廟方專工設計面掛喙罨的媽祖婆尪仔,逐身尪仔攏閣帶1罐細罐酒精,就是欲提醒民眾著共防護做好勢。

受武漢肺炎影響,媽祖遶境的活動毋是延期就是取消。屏東歸來慈天宮嘛取消祝壽的活動,改推捒掛喙罨的媽祖婆尪仔,呼籲民眾防疫事工猶袂使放冗,嘛望宗教文化更加倚近咱的生活。

綜合報導

 

九合一選戰解析

相關新聞