蔡英文:紓困振興著比照防疫 冗早佈署

總統蔡英文指示，針對紓困振興方案，也是愛親像防疫仝款，愛量早安排。行政院佇暗頭仔有召開記者會，宣佈上新的紓困方案，民眾會使申請稅金較慢納咧，若準是分期納，上久會使分3年。

弱勢的家庭仝款補助，針對序大、囡仔、身障者，逐人會加補助1500箍，另外中央行也會針對短期內大批資金出入的情形、做調整予股市穩定，另外中小企業的水電瓦斯補助，一桶20公斤的瓦斯桶，會俗一百，服務業佮中小企業的電錢會拍9折，逐個月、上濟會使俗10萬箍。