上千隻厝鳥仔偷食麥仔 臺南學甲農民無奈
發布時間：
更新時間：
臺南學甲的麥仔園，計共有超過百五甲，遮是臺灣第二大的麥仔產地。尤其舊年冬尾雨水厚，按起來通加有一成。毋過農民猶未收，粟鳥仔煞先走來鬥收，眼看袂算得濟的鳥隻，做一擺歇落去麥仔園，農民是幌頭講，愈趕愈枵、會食愈多，只有是望民間團體來鬥設法，毋通予in好年冬煞歹過日。
麥仔園規片黃錦錦景致真媠，停佇電線的粟鳥仔嘛看甲流嘴瀾，規陣衝入去麥仔園食一頓粗飽。粟鳥仔食甲真歡喜，毋過農民看著是欲哭無目屎，農民講遮的鳥仔袂趕哩，愈趕鳥仔愈枵，煞走去別區食愈濟。
==學甲麥農 李三陽==
你越趕牠 牠越餓 不打緊
你趕牠 飛去別區也是我們的園
因為我們不是只有單獨種這區
所以牠們如果要吃一區
就讓牠們在那邊吃就好
不要趕牠們
越趕越餓就吃越多
臺南學甲的麥仔園超過150公頃，是全臺灣第二大的產區，主要產區佇宅港、平和、三慶、光華佮新達里，舊年暖冬閣無雨水，致使減產3成。今年寒天有落雨，產量按算會當加一成。毋過嘛吸引鳥仔來鬥收，一位種50公頃麥仔的農民李三陽表示，目睭金金看鳥仔食，實在真無奈。
==學甲麥農 李三陽==
走過去趕牠 就上千隻
一天吃的數量相當驚人
麥子目前學甲是
我跟李志豪種比較多
麥仔農李三陽表示，希望野鳥協會會當共農民鬥相共，看欲按怎來防治，保障農民辛苦一冬的收益。
記者 綜合報導
