全臺高溫燒熱 臺北市37.6度創今年新懸

拄才講歐洲誠熱，咱臺灣嘛是熱翕翕，臺北佇今仔日中晝有37度6，是今年以來上懸的溫度。

氣象局對台北市、新北市佮桃園市發佈氣溫較懸的警告!今仔日中晝，台北市就有37度6，是今年以來上懸的溫度。氣象局嘛提醒講，佇關島、菲律賓這搭，海面上的熱帶、低氣壓，佇今仔日下晡成做今年第9號的風颱，按算伊的外圍環流會佇初八佮初九影響咱台灣。

少囝化已經是國安問題 世新大學上新的調查發見講，這馬的少年人對婚姻啊、家庭啊，遮的想法，已經佮往過無仝款矣，認為講無一定愛結婚生囝。遮的問題才是少囝化的關鍵。