中國想欲透過經濟手段來影響臺灣的選舉，面對通貨膨脹，國內經濟欲發展，欠水、欠電的問題安怎解決，閣有永續發展、零碳排的目標，來看三個總統候選人，怹有提出什麼辦法。（此則新聞標題、導言、內文皆為臺語文。）
佇國發會的景氣指標系統通看著，台灣的景氣燈號對2022年11月、12分的「低迷」，行到2023年11月、20分的「轉向」，台灣經濟按怎繼續發展？關係人民的生活，佇選戰當中，三黨候選人攏有提出政見。民眾黨柯文哲表示，民眾怨嘆啥物攏欠，所以伊欲制定經濟安全保障法。確保物資穩定。
民眾黨總統候選人柯文哲講，「佇國安會下，欲建立迒部會的經濟安全會議，協調各部會的能量，來確保國家的經濟安全，確保重要物資的穩定供應，關鍵基礎設施愛做好防護，不管是水、電、交通、網路、金融、郵政、媒體等等，咱愛開發佮保護，尖端重要技術，防止關鍵技術外流。」
民進黨賴清德是講，世界快速變化，伊欲利用世界當咧進行的數位轉型佮淨零轉型這个趨勢，擴大台灣的經濟優勢。
民進黨總統候選人賴清德強調，「咱愛繼續壯大半導體產業，應該提出半導體的國家級策略，協力廠商攏通佇臺灣，成做一个生態系統，壯大半導體產業，也來幫助其他的科技產業佮傳統產業，人工智慧幫助濟濟中小企業，予ﰀ通順利數位轉型。」
國民黨侯友宜是針對經濟、提出改革三箭，針對區域經濟、投資環境、企業創新，三方面來做。
國民黨總統候選人侯友宜表示，「積極參與全球經濟的整合，佮美國的協助佮兩岸，愛穩定協商溝通，改善投資環境內底，電、上重要水、再生水通加提供轉來，獎勵ﰀ、補助ﰀ、水資源調度做予好，企業創新上重要，產業研發、智慧製造、節能減碳、扣抵額提升、補助。」
全世界行過疫情、閣有通貨膨脹的危機，紲落來閣有淨零轉型。台灣的經濟和國際變化相牽連，這陣當是產業轉型的關鍵期，台灣應該按怎做？就愛靠未來總統的智慧。